බැනරය
බැනරය
English (United Kingdom)Tamil (Sri Lanka)
තෙල් පහන
month
12 වන සියවසට අයත්, දැදිගම සූතිඝර චේතියෙන් සොයාගන්නා ලද උසින් සෙ.මී. 28.5 ක් වන මෙය කුහර සහිතව ඝන වාත්තු ක්‍රමයට ලෝකඩින් නිමවා ඇත. මෙම තෙල් පහන සොයා ගන්නා ලද්දේ 1951 වර්ෂයේදී ය. ශ්‍රී ලංකා ඉතිහාසයේ ශ්‍රේෂ්ඨ පුරුෂයකු වන පළමුවන පරාක්‍රමබාහු රජුගේ (ක්‍රි .ව. 1153-86) යුගයට අයත් කළ හැකි අත්තිවාරමකින් යුත් බෞද්ධ ස්ථූපයේ ධාතු ගර්භයේ එය තැන්පත් කොට තිබුණි. මෙම පහන සොයාගන්නා අවස්ථාව වනතුරුම ව්‍යාකූල නොවූ සංයුතියකට අන්තර්ගතව තිබූ අතර එය ඉහත රජුගේ සමයේ හෝ ඊට මදක් පැරණි යුගයකට අයත් විය හැකිය. මේ පහන අතිවිශිෂ්ඨ වන්නේ අචල ජල විද්‍යාව අනුව පාලනය වන තෙල් ධාරකයක් අඩංගු වීම නිසාය. මෙහි ප්‍රධාන කොටස වන එම තෙල් ධාරකයේ පිටෙහි එකිනෙකා පිටුපස හිඳ සිටින මිනිසුන් සහිත අලි‍යෙකුගේ ස්වරූපයෙන් නිමවා තිබේ. ආගමික චිත්ත ප්‍රකෘතිය කුමක්විය හැකි වුවත්, මෙම පහනේ අලියාගේ ශරීරය තුළ තිබෙන තෙල් පහනට පිවිසෙන්නේ අලියාගේ ලිඟුව හරහාය. ඌ සිය දළින් උක් ගසක් දරා සිටී. අලියා මත සිටින්නවුන් විසිතුරු මකර තොරණකින් වට කොට තිබේ. මුල් අවස්ථාවේ දී මෙම පහන එල්ලා තබා ඇත්තේ මකර තොරණේ මුදුනට සවි කළ දම්වැලකිනි. එය එකට සම්බන්ධ කොට ඇත්තේ අවස්ථා තුනකදී මිනිස් රූප තුනකිනි. ඒ අතර නැට්ටුවෙක්, කයිතාලම වයන්නෙක් හා බෙරකරුවෙක් වේ. පරාක්‍රමබාහු රජුගේ සමයේ ශ්‍රී ලාංකික කලාකරුවාගේ, වාස්තු විද්‍යාඥයාගේ හා ඉංජිනේරුවාගේ නිපුණත්වය මින් අවබෝධ වෙයි. විශේෂයෙන්ම මෙම අතිවිශිෂ්ඨ මානවකෘතිය මගින් පැහැදිලි වන්නේ ජල ඉංජිනේරු විද්‍යාව පිළිබඳව ඔවුන් තුළ තිබූ උසස් හැකියාවයි.